Emily and Anson

Emily 是Hilda既大學同學，我地結婚時佢係我地既姊妹，今次到佢地結婚，我地當然要落力幫番手！除左影相，我仲幫佢地做婚禮上既design；係度都要多謝佢地，因為佢地都好信得過我同hilda既意見，交俾我地話事，所以我地都做得特別開心同落力！遲ｄ我會陸續post出黎同大家分享下。當日emily & anson既婚禮真係搞得好好，對所有兄弟姊妹和賓客都好照顧周到，所以大家都玩得好開心，特別係由朝食到晚，由註冊開始食buffet食蛋糕到酒樓食蝦餃燒賣，未試過入席前都已經飽哂！當晚個婚禮最後都完滿結束，係度我祝佢地百頭到老，開開心心！

而今次我仲識到攝影師Irene Chiu！當日註冊之後，我地去中環為emily影外拍，雖然時間唔多，但都影左唔少靚相（上次我幫佢地影pre-wedding相時，只係影左中環夜景，今次可以補番數）。Irene為人好nice，同佢一齊影相真係學到野。其實每次拍到好既攝影師，除左可以交流心得外，連自已影相都會特別起勁！

...原來Anson屋企超懷舊，我一入到去就想同佢地影呢張相，幾十年之後睇番應該仲會更加經典






...這雀仔是Anson住左咁多年從未見過面既鄰居