最近有一次好好玩既合作經歷，俾我有機會係會展既Harbor Road Café 擺放我係牛頭角下邨影既相片出黎同大家分享！
其實除左影wedding，我平時都會同一班朋友去唔同地方影下相，好似冇幾耐之前就去左就快清拆既牛頭角下邨影相，後來咁啱Hilda一位係會展做food & beverage既朋友Lisa，正在幫她的老板Maurice為新裝修既café尋找有關香港集體回憶既相片。因為Lisa曾經睇過我影既相，於是就向佢老板推薦，真係估唔到Maurice都好喜歡我既相片，於是就一拍即合促成今次既合作喇！
早幾日Lisa請我和有份影相既朋友到會展參觀新開既Café，其實開頭都幾緊張，因為身為food & beverage director既Maurice要親身接見我地，雖然係第一次見，不過Maurice真係好健談同隨和，仲請我地又飲又食，反而搞到有D唔好意思！HAHA！
而家牛下既相就放左係café一間好大既function room裡面，但暫時呢度只有booking才開放。其實Maurice & Lisa要將所有相片裱框，又要構思各張相片既擺放次序，真係花左好多心思去整理，所以當聽到其他人讚賞相片既時候，我諗無論係我或者Maurice & Lisa都會覺得好開心。希望下次再有類似既合作機會啦！
....我同hilda都好鍾意呢張相，thx kong!
....好好味既酥皮卷!
....當日另一個重點活動：5D Mark 2試機！試過後真係愛不釋手！
....當日一齊去牛下影相既朋友，kong & cheryl!
....真係好舒服（hilda & lisa正在密密斟）
0 意見:
Post a Comment